Beetles My Lives

真係好過癮!

是夜中山大學艾曉明教授到來分享她拍攝的紀錄片作品, 從今夜"側過側田"地睇完全套"返鄉的火車"討論至上星期睇左2小時要起身拉筋的"太石村", 艾教授以錄象維權, 發揮影響力.

以前睇 michael moore 以為已經好勁, 相比之下成日身陷險境既艾教授仲堅D!

回家時見到月光幾靚, 將車停低影左一張相:

 

 

 

816將隨無國界社工前往擂鼓鎮探訪, 工作主要是家訪及推行活動, 並有機會親訪鋼筋比鐵線還幼的"北川小學"...

今日簡介會要每人用普通話介紹自己, 比起面對當地天氣, 昆蟲, 氣味...仲要驚驚...

現正招收贊助!

資料: 北川縣 擂鼓鎮, 羌族農民為主, 漢族較少; 共分佈 2百個營幕.

無國界社工

 

 

嗚謝下午三點老板提供場地進行攝影分享! 當日所見鋪頭人來人往, 睇怕都仲有得做落去, 尤其是老板有一眾妹妹仔捧場!

半夜夜遊大清, 大家手車都屎左好多!

越來越對社工呢行失望, 記得初入行時還可以proud of 地講自己做外展社工..

做了學校SSW多年, 一日內可以見晒不負責任既 SWD 行家, 當服務對象係死物既宿舍社工, 犯錯又唔認要服務對象受苦既同行...

究竟係舉世混濁我獨清? 定係眾人皆醒我獨醉?

只是想飽受傷害的小女孩不再訓網吧, 不用訓球場, 正如大家的服務介紹, 有一個療傷的地方...

大家可以人道一點嗎?

文件可以簽遲一點嗎?

對人尊重可以多一點嗎?

專業, 可以比一點嗎?

抱歉受了我冷嘲熱諷的行家, 但這是妳們應得的, 不要忘記當初為什麼當社工!

 

p.s.: SSW - School Social Worker / SWD - Social Welfare Department 社署

圖片說明一切, 原來佢係魔鬼託世!

remark: 睇完會情緒不安者貴客自理!

早2日仲有半打! 邊個邊個心知肚明啦!

 

圖中鐵甲人將於下星期一踏上征途, 擔任親善大使遠走西藏拉薩, 尋找"風轉咖啡館"的話事人薯伯伯Pazu, 希望能找到保安員一職, 從此落地生根...

希望Pazu 收留佢啦, 不過聽聞佢返左HK.

另祝帶路既人馬女同天秤男路上順利, 記得幫我係拉薩買"大花暖水壺"!

上了2星期電影中心的紀錄片課程, 每次都OVER RUN1小時, 但總覺不足, 實在有太多唔認識的電影, 類型...

同學中,  記者同學們好努力地抄notes(職業病掛), 老師同學深藏智慧, 商界同學過目不忘, 自己算是懶散的一個!

估唔到同學上堂唔夠, 已經話要補習, 2個都加開電影一場.

 

近期的一個個案見證左好多野, MDCC* 開完都可以唔算數, 努力去做好但其他party又會有反效果, 幾時社會工作已經唔再人本, 唔再humanistic...

一直好怕閒言閒語, 近日不約而同收到不同"外語", 談論的正是自己:

1.有唔多熟又老年資既同事同d新人講我工作既不是, 當然內容完全反轉...

2.有回流既行家同D我關係非淺既同事講我唔專業, 真係好大既指控..但當然又係失實報導!

"是非當人情"係我呢行都已經唔係新事, 只要唔係太歪曲都無咩所謂LOR, 為左攪關係而亂吹就無品左D, 最慘係我又知道WOR.

雖然亦都有人話其他B字機構對我係學校工作好欣賞, 仲流傳到佢地高層個到, 唔通真係物離鄉貴?

我都係想做過小社工..繼續迷途.

 

呢個益智既BLOG當然要解釋一下呢D咁"懶專業"既名詞.

MDCC係處理"懷疑虐兒"案既跨專業會議簡稱, 通常由兒科醫生,護士,社工,警察一齊參與, 係會上決定案件是否成立同埋跟進方法.

 

感激梁姓小姐再轉贈" 我們的低能婚禮", 當然亦有小馬親筆簽名, 小馬亦變身成為小圓太太!

感動係"小馬月曆"中, 924寫上了我大壽日期, 我年年都唔想去記得既野就無得再避lor.

 

終於得到證實...推開個櫃...發現屍橫遍野....唔怪得六合彩買極唔中!

地鋪真麻煩!

專登整細d張相, 細膽就唔好開黎睇!

估中有幾多隻有獎!

同事囡囡 2 歲大壽, 咁大個人第一次去老麥生日會真係大開眼界, 幾十人罷埋一齊食飽真係何其壯麗...

最過癮都係個PANDA蛋糕.

改期後既 summer camp 終於完成, 老實講, 如果可以, 我半夜想起身去毒死個班係成晚隔離吹水爆粗隊啤撩女仔既死肥佬!

好彩風景靚同滿天星答夠.

呢一次camp爛左2樣野: 周遊列國既karrimor背囊同埋罷左好耐一行就散既Lasportiva boot, 仲要係gore-tex tim, 嗚...

 

好耐無做學生啦, 希望自己上堂準時D.

 

終於返屋企啦!

唔見左本第1, 收到本第2, 感激ing!

呢次一定唔再借比學生!!

 

難得一個人係屋企, 決定整下野食: 買左魚生, 螺肉, 煎左餃子, 一支收埋好耐既 "露say"- Jacob's Rose, 一隻stanley kubrick 既 2001....yummy.

今日真係太好天...啦

新店旺中帶靜，位於私竇林立既上海街唐樓，２條長命樓梯足以令你高山症發作；老闆活化古蹟保留左原階磚地，一室"無菌feel"更加開冰室售賣佢至愛既利華鮮奶！

但老闆只希望招待喜歡音樂既朋友，只想搵cafe hea下吹水既唔該過主.